Батга, батганы сорви гэж юу вэ?

Батга & Нүхжилт

01 Батга

Арьсны нүх сүв бөглөрөх нь гол шалтгаан ба улмаар нян бактер үржиж үрэвсэл явагддаг.
Хүний арьс нь тодорхой хугацааны давтамжтайгаар гуужиж унаж байдаг ба бүрэн гуужиж унаагүй үхэжсэн
арьсны үлдэгдэлтэй тосны булчирхайнаас ялгарч буй себум тостой холилдсоноор арьсны нүх сүв бөглөрдөг.
Эмчилгээний арга нь батганы хэмжээ, нөхцөл байдлаас шалтгаалж харилцан адилгүй.
Эхний үед батга халдваргүй байдаг бөгөөд улмаар хүндэрсэн үед батганд бактерийн халдвар орж идээ үүсэн хөндүүр болно.
Энэ үед сорви үүсэх, улам үрэвсэх зэргээс сэргийлж арьсны эмчид хандах нь зүйтэй бөгөөд нэг нэгээр нь шахснаас илүү үр дүнтэй.

Батганы төрөл

  • Шат 1
    Үрэвсэлгүй батга

    Хар батга бол гадаргуу нь нээлттэй бөглөрсөн уутанцар юм. Нээлттэй үед тосны булчирхайн бөглөрөл нь агаарын үйлчлэлээс болж саарал, хар өнгөтэй болдог. Өөрөөр хэлбэл цагаан батга нь арьсны сөнөсөн эсүүд, тос болон бактеруудаар толгой нь бөглөрсөн байдаг. Цагаан батга нь батгыг улам үрэвсүүлэх шалтгаан болдог. Хар батга болон цагаан батга нь хэрвээ үрэвсээгүй байдал сорви үлдээлгүй эмчлэх боломжтой.

  • Шат 2
    Үрэвсэлт батга

    Хар ба цагаан батганы хүндэрсэн шинж тэмдэг нь үрэвсэл үүсэх, улайх, хавдах, арьс хуурайших зэрэг болно. Ихэвчлэн бактераар дамжин үрэвсдэг. Улайж хавдсан батга нь үрэвслийн шинж байдлаас хамаарч уутанцар үүсгэдэг. Аажмаар батга ил гарснаар арьсыг гэмтээж цаашлаад олон төрлийн халдвар үүсгэх шалтгаан болдог учраас тухайн хэсэг газрыг зөв аргаар эмчлэх нь сорви үүсгэхгүй байлгах, гэмтэл бага учруулах зэрэгт чухал нөлөөтэй.

Батга & Нүхжилт

02 Батганы сорви

Батганы сорви

Батгажилтын хамгийн том асуудал бол яах аргагүй сорви юм.
Хэрвээ сорвины эмчилгээг орхигдуулвал арьсны эдүүд бактериар
халдварлаж улам гэмтэх шалтгаан болно.
Батганы сорви ихэвчлэн нүүрний хэсэгт ухсан нүх шиг харагддаг бөгөөд 3 хэлбэртэй.

Батганы сорвийн төрлүүд

  • Хүнхэр хэлбэрийн сорви Төрөл 1

    Хүнхэр хэлбэрийн сорви

  • Хайрцаг хэлбэрийн сорви Төрөл 2

    Хайрцаг хэлбэрийн сорви

  • Гурвалжин хэлбэрийн сорви Төрөл 3

    Гурвалжин хэлбэрийн сорви

Батга үүсэх шалтгаанууд

Батга үүсэх шалтгаанууд
  1. 1

    Өсвөр үеийн дааврууд

    Өсвөр насанд себум нь арьсны сөнөсөн эд эсүүдээс илүү нэмэгддэг учраас батга үүсэх нөхцөл амархан бүрддэг. Барагцаагаар өсвөр үеийнхний 85% орчим нь батганы асуудалтай байдаг хэдий ч насанд хүрэх үед арилдаг.

  2. 2

    Хүрээлэн буй орчны хүчин зүйлс

    Батга нь мөн тоос шороо, бохирдол, хуримтлагдсан хог хаягдал, гоо сайхны бүтээгдэхүүний буруу хэрэглээ,
    хэт ягаан туяа зэрэг хүрээлэн буй орчны хүчин зүйлсээс үүдэлтэй.

  3. 3

    Бусад хүчин зүйлс

    Согтууруулах ундаа, тамхи татдаг / давстай, халуун ногоотой, тослог хоол хүнс / стресс, нойрны дэглэм алдагдах
    / хэт их нүүр угаах / жирэмслэлт зэргээс үүдэж болно.

Нүхжилт гэж юу вэ?

Нүхжилт

Хэдийгээр сахал ургахаас бусад үед уутанцар төдийлөн ажиглагддаггүй ч тосны булчирхайн
суваг себумаар бөглөрснөөс нүхнүүд том хэмжээтэй болно.
Ихэвчлэн нүхнүүд нь бэлгийн бойжилтийн үед илүү том болдог.
Энэ тохиолдолд нүхнүүд бактери болон
гадны биетнүүд арьсанд амархан хуримтлагдаж арьсны эмгэг
үүсгэх учраас зөв зохистой аргаар эмчлэх хэрэгтэй.

Нүхжилтийн төрлүүд

  • Тосны булчирхайн нүхжилт Төрөл 1

    Тосны булчирхайн нүхжилт

  • Унжсан нүхжилт Төрөл 2

    Унжсан нүхжилт

  • Хар толбон нүхнүүд Төрөл 3

    Хар толбон нүхнүүд

Нүхжилт үүсэх шалтгаан

Нүхжилт үүсэх шалтгаан
  1. 1

    Тосны булчирхайн хэт шүүрэл

    Бэлгийн бойжилт эхлэх үед дааврын үйл ажиллагаа эрчимжиж улмаар тосны булчирхай өргөсөж, себум ялгаруулалт нэмэгддэг. Себум нь нүхээр дамжин гардаг учраас хэт их себум хуримтлагдсан үед нүхний сувгууд тэлдэг.

  2. 2

    Насжилтаас үүдэн арьсны уян хатан чанар буурах

    20 наснаас эхлэн арьсны уян хатан чанар буурч эхэлдэг бөгөөд нүхнүүд өргөсөж хэмжээ нь том харагддаг.

  3. 3

    Нүхжилтээс үүдсэн арьсны эмгэгүүд

    Арьсны эмгэг, батгга зэрэг нь коллаген болон эластин уургуудыг бууруулж арьсанд гэмтэл учруулах замаар арьсны эрүүл байдлыг алдагдуулж нүхжилтийг ихэсгэдэг.

Эмчилгээний арга

Батга, нүхжилтийг сайтар оношлогоо хийсний дараа эмчилгээний төлөвлөгөө боловсруулна.
Үйлчлүүлэгчийн арьсны онцлог, төлөв байдлаас харгалзан цогц эмчилгээний арга харилцан адилгүй.
Эдгээр эмчилгээнд тарилга, хуулах, лазер эмчилгээ болон арьс арчилгааны эмчилгээнүүд багтна.

  • Эмчилгээний арга
  • Эмчилгээний арга
  1. Арга 01

    Тарилга хийх

    Батганы сорви, нүхжилт өөр өөр төрлүүдтэй байдаг учраас тарилганы аргыг тэдгээрт тохирсон байдлаар хийнэ. Тарилга хийх эмчилгээ нь себумын нийлэгжилтийг удирдаж халдвар орохоос сэргийлж, арьсны давхаргад коллаген, эластины нийлэгжлийг эрчимжүүлэх нэмэлт тэжээлийн бодисыг оруулснаар сорви нимгэрнэ.

  2. Арга 02

    Хуулах эмчилгээ

    Батганы халдвар нүхэнд себум хуримтлагдсанаас үүсдэг. Батгажилт илүү хүндэрсэн үед хуулах эмчилгээг халдвартай үрэвссэн батганд хийх ба арьсны үрэвслийг зогсоохын тулд үхсэн эд эсийг салгаж нүхнүүдийг онгойлгох нь чухал ач холбогдолтой.

  3. Арга 03

    Лазер эмчилгээ

    Лазерийн тусламжтай тосны хэт шүүрлийг бууруулах боломжтой. Ингэснээр арьсны эсийн болон коллагений нөхөн төлжилтийг сайжруулж батганаас үүдэлтэй сорвийг багасгадаг. Мөн зарим төрлийн лазерууд нь арьсыг чангалах замаар нүхнүүдийн хэмжээг багасгадаг.

  4. Арга 04

    Арьс арчилгаа

    Энэ төрлийн эмчилгээгээр батганд тогтмол үе шаттай эмчилгээ хийх шаардлагатай ба ингэснээр нэмж батга үүсэхээс сэргийлдэг.